Maxi Dress 夏日長裙(自畫紙型)

一直好想擁有一條Maxi Dress, 市面的Maxi Dress一係太長, 一係吊帶, 以我5呎少半吋, 加一雙強而有力的上臂, 及豐滿的身型, 基本無可能買到一條合身的Maxi Dress.

昨天到布舖打算買做小香外套的花邊, 見飾櫃有一塊花布好靚, 於是買返去打算做一件上衣給母親大人, 但後來覺得顏色大誇張, 呀媽一定接受唔到, 想來想去不如試吓做條Maxi Dress.

我用自己最合身的TEE做版, 在地上放上cardboard, 在cardboard上放上紙, 再用大頭針把摺了一半後的Tee拮在紙上, 用筆沿衫身繪圖, 把大頭針拿開, 紙上弧度的地方有針孔, 只要把針孔用線連起來就可以簡單地畫出袖口的位置.

 至於長度就根據各人喜好.  後來上綱睇原來矮的人用色方面應該用淨色, 裙擺要比較直身, 布要有垂度.  雖然我用色選錯了, 但出來的效果我都好滿意, 打算再做一件淨色.

花布一向給我的感覺好難Handle, 要好白好瘦的女生才好看, 所以從未買過一件花的衣服.  今次自己做的Maxi Dress可以接受, 再加上布料超舒服, 立即想多做一件.

加上牛仔外套, 再換雙球鞋應該好看